მიკროტალღური ღუმელი - თქვენი უნივერსალური დამხმარე

მიკროტალღური ღუმელი დღეს თითქმის ყველა სამზარეულოში შეგვხვდება. ეს უნიკალური მოწყობილობა გამოგადგებათ როგორც საკვების გასალღობად ან გასათბობად, ასევე შესაძლოა, სრულად შეცვალოს გაზქურისა და აეროგრილის გამოყენების სიხშირე. ბლოგში გაგიზიარებთ ყველა ინფორმაციასა და რჩევას, რაც მიკროტალღური ღუმელის შესახებ უნდა იცოდეთ.

როგორ მუშაობს მიკროტალღური ღუმელი

მიკროტალღური ღუმელი საკმაოდ პოპულარული მოწყობილობაა, რომელიც მიკროტალღებს საკვების მოსამზადებლად და გასათბობად იყენებს.

მიკროტალღური ღუმელის გამოყენებას მრავალი უპირატესობა აქვს: პირველ რიგში, დროს გიზოგავთ, რადგან საკვების გალღობა, გათბობა და მომზადება ბევრად უფრო მარტივია, ვიდრე სტანდარტულ ღუმელში ან გაზქურაზე, თანაც ნაკლებ დროს გართმევთ. გარდა ამისა, მიკროტალღური ღუმელი ნაკლებ ენერგიას მოიხმარს, ვიდრე ღუმელი, რადგან პირდაპირ საკვებს ათბობს და არა მთლიან სივრცეს.

თუმცა მრავალი უპირატესობის მიუხედავად, გარკვეული ნაკლოვანებებიც აქვს. ერთ-ერთი მთავარი პრობლემა საკვების არათანაბარი გახურებაა - იშვიათად, თუმცა მაინც, ზოგიერთი ნაწილი ძალიან ცხელდება, ზოგი კი ცივი რჩება.

ბაზარზე მიკროტალღური ღუმელის სხვადასხვა ტიპი არსებობს. სტანდარტული დასადგმელი ღუმელები ყველაზე გავრცელებული და იაფი ვარიანტია. ისინი პატარა ზომისაა და ადვილად მოსახმარია. ჩაშენებადი მოდელები იმიტომაა კარგი, რომ სამზარეულოში სივრცეს ზოგავს.

პროფესიონალური მიკროტალღური ღუმელები კი რესტორნებისა და კაფეებისთვისაა განკუთვნილი და უფრო მეტი სიმძლავრე აქვს.

მიკროტალღური ღუმელის გამოყენებისას უსაფრთხოების წესების დაცვა მნიშვნელოვანია. არასოდეს გამოიყენოთ მეტალის ჭურჭელი, ფოლგა ან ისეთი ჭურჭელი, რომელსაც მეტალი ურევია. ყოველთვის დარწმუნდით, რომ ღუმელი სუფთაა და კარი სწორად იხურება. არასოდეს ჩართოთ ცარიელი მოწყობილობა.

როგორ მოვუაროთ მიკროტალღურ ღუმელს

მიკროტალღური ღუმელის რეგულარული დასუფთავება მნიშვნელოვანია მისი წარმატებით ფუნქციონირებისთვის. შიდა ნაწილი რბილი ჯაგრისით და საპნიანი წყლით უნდა გაიწმინდოს. თავიდან აირიდეთ ძლიერი ქიმიური ნივთიერებების გამოყენება.

ამას გარდა, მბრუნავი ფირფიტა და მისი საყრდენიც რეგულარულად უნდა იწმინდებოდეს. გარე ზედაპირი რბილი ქსოვილითა და შესაბამისი სითხით უნდა გაიწმინდოს.

არ დაგავიწყდეთ ვენტილაციის ხვრელები, რომელსაც ცხიმი გამუდმებით უნდა მოაშოროთ, რათა ჰაერის ნორმალური ცირკულაცია უზრუნველყოთ.

მიკროტალღური ღუმელის მაქსიმალური გამოყენებისთვის რამდენიმე რჩევასაც გაგიზიარებთ. პირველ რიგში, საკვები განათავსეთ ცენტრში და თანაბრად განაწილეთ ფირფიტაზე. მომზადების პროცესში რამდენჯერმე მოურიეთ, რათა თანაბრად გახურდეს და გაცხელდეს.

გამოიყენეთ მხოლოდ მიკროტალღური ღუმელისთვის განკუთვნილი შესაფუთი მასალები, ე.წ „ფოლგა“, გარდა ამისა, ყოველთვის დააკვირდით ინსტრუქციაში მითითებულ დროსა და სიმძლავრეს. იმ შემთხვევაში, თუ დიდი ნაჭრების გაცხელება გინდათ, უმჯობესია, ნაწილებად დაყოთ და პატარა პორციები ცალ-ცალკე გააცხელოთ.

მიკროტალღური ღუმელის ტიპები და ფუნქციები

დუალური სისტემის მიკროტალღური ღუმელები

მიკროტალღური თანამედროვე ბაზარზე ყველაზე დიდი პოპულარობით სარგებლობს კომბინირებული მიკროტალღური ღუმელები, რომლებიც მიკროტალღური ტექნოლოგიასთან ერთად გრილის ფუნქციასაც მოიცავს. ასეთი ტიპის საშუალებას მოგცემთ, მოამზადოთ სხვადასხვა კერძები, თანაც ძალიან სწრაფად.

გრილის ორი ძირითადი ვარიანტი

კვარცული გამაცხელებელი სისტემა

ღუმელის ზედა ნაწილში მოთავსებული აქვსკვარცული ელემენტი, რომელიც უზრუნველყოფს პროდუქტის ზემო ნაწილის დაბრაწვას. ამ ტიპის მოდელები გამოირჩევა ეკონომიურობითა და მარტივი მოვლით.

ჰელიკური გამაცხელებელი ელემენტი

ღუმელს მილისებური ფორმის ელემენტი აქვს, რომელიც ზედა ნაწილშია დამონტაჟებული,უმეტეს მოდელში ეს კომპონენტი მოძრავია და შეიძლება სხვადასხვა პოზიციაში განვათავსოთ - ვერტიკალურად, ჰორიზონტალურად ან კუთხეში, რაც ღუმელს უფრო მოხერხებულს და ადვილად გამოსაყენებელს ხდის.

სამი ფუნქციის მქონე მოდელები

ერთ-ერთი საუკეთესო მიკროტალღური ღუმელია, რომელიც აერთიანებს მიკროტალღურ ფუნქციას, გრილის სისტემას და კონვექციურ ვენტილაციას. ასეთი მოწყობილობები აღჭურვილია წრიული ელემენტით, გრილითა და ვენტილატორით, რომელიც ცხელ ჰაერს მთელ სივრცეში თანაბრად ანაწილებს.

ასეთი კონფიგურაცია გვაძლევს გამოცხობის, ღუმელში შეწვის, საკვების ორთქლზე მომზადების საშუალებას. შესაძლოა ითქვას, ამ მიკროტალღურ ღუმელებს შეუძლიათ ტრადიციული ღუმელის ჩანაცვლებაც.

ინვერტორული ტექნოლოგია

ინვერტორული მიკროტალღური ღუმელი განსხვავებული პრინციპით მუშაობს: სტანდარტული მოდელებისგან განსხვავებით, სადაც სიმძლავრის კონტროლი მუდმივი ჩართვა-გამორთვის ციკლით ხდება, ინვერტერული სისტემა სიმძლავრის რეგულირებას უზრუნველყოფს.

ამ ტექნოლოგიის ძირითადი უპირატესობა ისაა, რომ პროდუქტი ინარჩუნებს მის ორიგინალურ ტექსტურას, სიმყარეს და კვებით ღირებულებებს, სავსეა ვიტამინებითა და სიჯანსაღით. ამასთან ერთად, ღუმელის შიდა სივრცე იზრდება, რადგან ტრადიციული მაგნეტრონი იცვლება უფრო კომპაქტური კომპონენტებით.

ძირითადი მუშაობის რეჟიმები

მიკროტალღური ფუნქცია - ძირითად უზრუნველყოფს გახურებას, გადნობას, მარტივი კერძების სწრაფ მომზადებას;

გრილის რეჟიმი - გამოიყენება როგორც სტანდარტული გრილი, ხორცეულისა და ბოსტნეულის შეწვისთვს;

კონვექციური ვენტილაცია - ითავსებს სამზარეულოს სტანდარტული ღუმელის ფუნქციას, რომელიც აცხობს, ორთქლზე ამზადებს და წვავს კიდეც.

საერთო ჯამში, ღუმელის გამოყენების სიმძლავრე განისაზღვრება იმის მიხედვით, თუ რომელი ინტენსივობის რეჟიმზეა დაყენებული მოწყობილობა - ანუ, მინიმალური რეჟიმით მუშაობს თუ მაქსიმალურით.

• ტოსტერის რეჟიმში მოწყობილობა მუშაობს მუდმივ 850 ვატიან სიმძლავრეზე. ეს ფუნქცია გამოიყენება პროდუქტების ზედაპირის შებრაწვისა და ხრაშუნა ფენის მისაღებად.
• გრილის რეჟიმში აპარატის ენერგომოხმარება მერყეობს 800-დან 1400 ვატამდე. ამ დროს პროდუქტები თერმულად მუშავდება მაღალი ტემპერატურის გამოყენებით.
• კონვექციის რეჟიმი კი ყველაზე მძლავრია და მოიხმარს 1350-დან 2000 ვატამდე ელექტროენერგიას. ამ რეჟიმში მოწყობილობა ქმნის ცხელი ჰაერის ცირკულაციას, რაც უზრუნველყოფს საკვების თანაბარ და სწრაფ მომზადებას ნებისმიერი მხრიდან.